Saluton al ĉiuj!


Finfine mia unua traduko alvenis, post preskaŭ unu jaro da regula laboro, de februaro al decembro 2016.

Ĝi estas traduko de la unua volumo de la sagao pri Arseno Lupeno.
Tiu romano estis skribita de la franca verkisto Maurice Leblanc. Ĝi enhavas 9 policajn novelojn verkitajn inter 1905 kaj 1907, kaj rakontas la komencojn de la fama ŝtelisto.

Mi provis resti plej fidela al la originala teksto, por respekti la stilon de la aŭtoro. Mi ankaŭ kunakordigis la paĝojn de ambaŭ versioj (Eo/Fr) por facile kompari kun la originala verko, aŭ por tiuj kiuj dezirus legi ambaŭ versiojn paralele.

Se vi havas komentojn, aŭ se vi trovas erarojn aŭ mallertaĵojn, bonvolu skribi al mi, tio multe plezurigos min.


Mi deziras al vi bonan legadon!

Alano